طريقة عمل شوربة العظام
وتابع استشاري التغذية العلاجية، أحيانا ننظر للشوربة في بيوتنا على إنها مجرد أكلة دسمة علشان ترمّ العضم، بس الحقيقة الطبية إن التعبير الشعبي صح جداً، مؤكدا : أن الشوربة بمثابة علاج مركز ومكثف بيعمل عملية ترميم حقيقية لبطنك من الداخل، وخصوصاً إذا كنت تعاني من ارتشاح الأمعاء والقولون.
لماذا تعتبر شوربة العظام معجزة لارتشاح الأمعاء؟
وأشار إلى عدد من الاسباب التي تجعل شوربة العظام معجزة لارتشاح الأمعاء، كالتالي :
- مليانة جلاتين وكولاجين طبيعي: الكولاجين عندما يتحلل بالطبخ الهادئ بيتحول لجلاتين، والجلاتين يشتغل مثل “الغراء” أو المعجون الطبيعي ليبطن جدار الأمعاء، ويقفل الفراغات الواسعة التي تسرب السموم والأكل غير المهضوم لمجرى الدم.
- غنية بحمض الجلوتامين (Glutamine): حمض أميني سحري، هو الغذاء الأساسي لخلايا الأمعاء عشان تتجدد وتبني نفسها من جديد وتتخلص من الالتهابات.
- تهدئة القولون وتقوية المناعة: تطفي نار الالتهابات في بطنك، وتساعد البكتيريا النافعة (البروبيوتيك) إنها تنمو وتشتغل صح.
طريقة عمل شوربة العظام الصحية لأخذ الفائدة العلاجية؟
- الطبخ الهادئ والطويل: لازم العظام (المواسير) تستوي على نار هادية جداً ولفترات طويلة (مش أقل من 4 لـ 6 ساعات) عشان نضمن خروج كل النخاع والمعادن والأحماض الأمينية في الشوربة.
- سر الملعقة السحرية: بنضيف معلقة صغيرة من خل التفاح للماء وهي بتغلي؛ لأن الوسط الحمضي بيساعد على استخلاص الكولاجين والمعادن (زي الكالسيوم والمغنيسيوم) من قلب العضم للشوربة.
- التخلص من الدهون الزائدة: بعد ما الشوربة تبرد خالص في الثلاجة، بنشيل طبقة الدهون الجامدة اللي على الوش؛ وبكده بناخد خلاصة الكولاجين الصافي والجلاتين من غير ما نتقل على الكبد أو نرفع السعرات بزيادة.
- جرعة الروقان اليومية:
كوباية دافية من الشوربة دي الصبح على الريق، أو بين الوجبات، كفيلة إنها تبدأ ترمم في جهازك الهضمي يوم ورا يوم.
