أثارت المحاميةنهاد أبو القمصان، حالة من الجدل على مواقع التواصل الاجتماعي، بعدما سخرت من إعلان متداول لأحد الدعاة عن تقديم دورة تدريبية مدفوعة حول “التعدد”، قيل إن الاشتراك فيها يبلغ نحو 400 جنيه.
وفي منشور ساخر، انتقدت الرسائل التي تروج لها مثل هذه الدورات، معتبرة أنها قد تدفع بعض الزوجات إلى فقدان الثقة في أزواجهن، والتمسك بالاستقلال المادي والوظيفي، بدلاً من الشعور بالأمان داخل العلاقة الزوجية.
وواصلت سخريتها باقتراح “منهج افتراضي” للدورة، يتضمن محاضرات بعنوان: “مش لازم تعرفها لو هتتجوز”، و”متستغربش لما تتمسك بشغلها وتخبي فلوسها”، في إشارة إلى ما تراه من آثار سلبية لمثل هذا الخطاب على استقرار الأسرة.
كما انتقدت تحميل بعض المتحدثين “النسوية” مسؤولية تراجع الثقة بين الزوجين، معتبرة أن الخطاب الذي يبرر التعدد دون مراعاة آثاره النفسية والاجتماعية هو أحد الأسباب التي تدفع كثيرًا من النساء إلى البحث عن الاستقلال وتأمين مستقبلهن.
وقالت نهاد أبو القمصان على صفحتها على فيس بوك:” كورس عن التعدد… وتاخد معاه مفاجأة!..كوبون خصم على كورس: إزاي تخلي مراتك ما تثقش فيك… وبعدين تستغرب!”
وأضافت :” يعني باختصار: كورس يعلمك الفكرة… وكورس تاني يعلمك تتحمل نتيجتها.. صحيح اللى عامل الكورس بيقول تجربته الشخصة نجحت ( مش عارفه ايه معايير تقييمه ) يارب المدامات ما تكونش سمعت اغنية شرين ( انا مش مبيناله انا ناوياله على ايه
)”.
وتابعت :” وعندى اقتراح لمحتوى الكورس
المحاضرة الأولى:
“مش لازم تعرفها لو هتتجوز.”
المحاضرة الثانية:
“لو مرضت… فيه ناس بتقول علاجها مش واجب عليك.”
المحاضرة الثالثة:
“متستغربش لما تتمسك بشغلها، وتخبي فلوسها، وتقول لأخوها قبل ما تقول لك.”
وبعدين نفس الناس تعمل لايف:
“ليه الست بقت متمسكة بشغلها؟”
“ليه مش بتضحي؟”
او تطلع تشتم فى النسوية اللى حرضت الستات وخربت البيوت
هو حضرتك سايب للنسوية حاجة تعملها
البركة فيك نسفت امان الستات
ففضل لها إيه تضحي عشانه؟
ولفتت :” دي نتيجة خطاب بيتكرر كل يوم: “إنتى ممكن تتجوزى راجل وفجأة يبقى نص علشان ومن حقه يدى النص الثانى لواحده تانية
ودا مش غش تجارى ولا حاجة، ولو مش عجبك النص ممكن تتبدلي، ولما تسمع كلام امها اللى قالت لها ( ابنى يا خايبة للغايبة )
ولما تبدأ تأمن نفسها للمستقبل…
تزعلوا؟
وأختتمت :” ياريت تضيفوا للكورس محاضرة كيف تشتم النسوية وتعلق عليها اسباب فشل حياتك بدل ما تحل مشاكلك وتتخلص من تجار الدين
قبل ما تخرب بيتك بايدك “
